Макрон пасля перамогі на выбарах паабяцаў абараніць супольную будучыню Францыі і Еўропы
Абраны прэзідэнт Францыі Эмануэль Макрон падчас выступу перад прыхільнікамі перад Луўрам увечары ў нядзелю, 7 мая, заявіў, што збіраецца абараніць супольную будучыню Францыі і Еўропы, Таксама ён паабяцаў змагацца з няроўнасцю і дамагчыся таго, што ўся нацыя аб'яднаецца і будзе абаронена ад пагроз.
У прамове ён таксама папрасіў прыхільнікаў ня асвістваць Марын Ле Пен, што прайграла Макрону ў другім туры прэзідэнцкіх выбараў, і адзначыў, што ў бліжэйшыя пяць гадоў паспрабуе дабіцца таго, каб людзі перасталі падтрымліваць радыкальныя палітычныя сілы.
«Сёння перад намі аб'яднаны народ Францыі. Увесь свет сочыць за намі, Еўропа і ўвесь свет. Я буду служыць вам з любоўю», - заявіў Макрон ў канцы прамовы.
Паводле звестак падліку практычна ўсіх пададзеных на выбарах прэзідэнта Францыі галасоў, Эмануэль Макрон атрымаў падтрымку 66,06 працэнта выбаршчыкаў. Экзіт-полы прадказвалі перамогу Макрона з 65 адсоткамі.
39-гадовы Макрон — самы малады прэзідэнт у гісторыі Францыі.
Цяпер чытаюць
Лукашэнка: Што творыцца ў краіне, у нас усе гэтую гусь круцяць22
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары