У мексіканскім курортным горадзе Канкун мясцовыя жыхары напалі на расіяніна Аляксея Макеева, які здымаў і выкладваў на YouTube відэа, на якіх беспадстаўна абражаў і прыніжаў гараджан. Паводле мясцовага выдання Quequi, каля дома, дзе пражывае Макееў, сабраліся каля 400 чалавек, узброеных палкамі, камянямі і мачэтэ.
«Пацыент даўно вядомы і не толькі ў Мексіцы. Чалавек прадстаўляе відавочную небяспеку для грамадства і тое, што яму ўдалося выжыць пасля нападу, вялікая ўдача. Вельмі спадзяюся, яго будуць судзіць і надоўга ізалююць», — піша вядомы расійскі блогер Ілля Варламаў.
Макееў здымаў у Канкуне відэаблог, у якім правакаваў і без прычыны абражаў гараджанаў. Звычайна ў кадры была таксама паперка са свастыкай. Мясцовыя СМІ называюць Макеева «рускім нацы-лордам» (Lord Ruso Nazi).
Падчас нападу Макееў спачатку замкнуўся дома, а калі дзверы выбілі, уцёк на дах. У выніку расіяніна збілі да страты прытомнасці, ён быў дастаўлены ў бальніцу. Паводле Quequi, аднаго з нападнікаў, 19-гадовага Карласа Эдуарда, які першым зайшоў да яго ў дом, Макееў некалькі разоў ударыў нажом. Ад атрыманых раненняў Эдуарда памёр у бальніцы. Расіянін Аляксандр Талмачоў, які жыве ў Канкуне, распавёў РІА «Навіны», што Макееў «страляў, два стрэлы ў грудзі прыйшліся (мексіканцу), невядома, выжыў той ці не».
Відэа нападу на Макеева:
У 2013 годзе Макееў трапіў у зводкі расійскіх навін пасля таго, як нападаў на дзяцей і пенсіянераў у падмаскоўнай Электрасталі і здымаў гэта на відэа. «Мужчына знаходзіцца на ўліку ў аддзяленні аказання псіхіятрычнай дапамогі, раней прыцягваўся да адміністрацыйнай адказнасці за дробнае хуліганства», - паведамілі ў ГУ МУС Расіі па Маскоўскай вобласці 2 красавіка 2013 года.
Макееў жыве ў Канкуне з 2015 года і працуе інструктарам па дайвінгу ў мясцовай кампаніі. У мінулым годзе яго затрымлівалі супрацоўнікі паліцыі.
Мясцовыя жыхары стварылі петыцыю з патрабаваннем дэпартаваць «нацы-лорда» і праверыць, наколькі законна ім атрыманы від на жыхарства ў Мексіцы, які Макееў пастаянна паказвае ў сваіх відэа разам з нацысцкай свастыкай — мексіканскія каментатары даведаліся пра мінулае расіяніна і ўпэўненыя ў тым, што чалавека з падобнай «гісторыяй» не варта было пускаць у краіну.
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч15
Каментары