Цяпер на парэнчах эскалатараў не будзе мікробаў. Вынайдзены спосаб дэзынфекцыі
Заўсёды думаеце пра тое, колькі мікробаў могуць змяшчаць парэнчы эскалатараў? Паўднёвакарэйская кампанія LG прыдумала спосаб, як хутка і бяспечна ачысціць іх ад мікробаў на 99,99%.
Кампаніі LG Innotek і Clearwin аб'ядналіся, каб вырашыць гэтую праблему, і стварылі прыладу, якая зможа знішчыць амаль усе мікробы на парэнчах эскалатараў.
Распрацоўшчыкі сцвярджаюць, што гэта першы прадукт такога кшталту ў свеце. Ён працуе па прынцыпе ультрафіялетавага бактэрыцыднага апраменьвання (UVGI). Прылада блакуе любыя крыніцы распаўсюджвання інфекцыі, цалкам руйнуючы ДНК мікробаў.
Прылада самастойна ператварае энергію руху парэнчаў у электраэнергію, такім чынам забяспечваючы сабе бесперабойную працу. Лямпа, якая ўвесь час дэзынфікуе парэнчы падчас руху эскалатара, абсалютна бяспечная для чалавека. Тэрмін яе службы — прыблізна 10 000 гадзін.
Каментары