Сёння ўдзень на лінію 102 у Маладзечне паступіў званок ад відавочцаў, якія паведамілі, што на вул. Валынца знаходзіцца п'яная жанчына з дзіцем, паведамілі ва УУС Мінаблвыканкама.
Супрацоўнік міліцыі, які прыбыў на месца, у адным з двароў застаў толькі малалетнюю дзяўчынку, якая гуляла ў пясочніцы. Дзіця даставілі ў шпіталь для абследавання. У гэты час яе п'яная маці знаходзілася зусім у іншым месцы.
У дачыненні да жанчыны быў складзены адміністрацыйны пратакол па арт. 17.3 КоАП (распіццё алкагольных, слабаалкагольных напояў ці піва, спажыванне наркатычных сродкаў, псіхатропных рэчываў або іх аналагаў у грамадскім месцы альбо з'яўленне ў грамадскім месцы або на працы ў стане ап'янення). «Сабраныя адпаведныя матэрыялы для разгляду іх камісіяй па справах непаўналетніх. Магчыма, жанчыну пазбавяць бацькоўскіх правоў», — распавёў намеснік начальніка Маладзечанскага РАУС Уладзімір Васількоў.
Цяпер дзяўчынка, якой 1,2 года, знаходзіцца ва ўстанове аховы здароўя, яе наведвае бабуля. Маці дзіцяці змешчаная ў Рэспубліканскі навукова-практычны цэнтр псіхічнага здароўя.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю33
Каментары