У Пружанскім раёне з-за моцных маразоў прыпынілі заняткі ў школах
Рашэнне Пружанскага райвыканкама на сёння датычыцца толькі наведвання школ.
У Пружанскім раёне Брэсцкай вобласці з-за маразоў прыпынілі заняткі ў школах, паведаміла БелТА начальніца галоўнага ўпраўлення па адукацыі аблвыканкама Наталля Каліноўская.
«Зараз для нас самае галоўнае — каб дзеці былі здаровыя і знаходзіліся ў бяспецы незалежна ад таго, засталося дзіця дома ці наведвае ўстанову адукацыі. Толькі ў Пружанскім раёне прынята рашэнне прыпыніць навучальныя заняткі ва ўстановах агульнай сярэдняй адукацыі», — расказала Наталля Каліноўская.
Рашэнне Пружанскага райвыканкама на сёння датычыцца толькі наведвання школ. Дзіцячыя сады выхаванцы наведваюць, пры неабходнасці арганізуецца падвоз. З кожным дзіцем і сям’ёй абмеркаваныя пытанні бяспекі.
«Мы павінны разумець, што дзіця знаходзіцца дома разам з дарослымі. Бацькі бяруць на сябе адказнасць і абавязаны толькі паведаміць класнаму кіраўніку або выхавальніку, па якой прычыне дзіця не наведвае ўстанову адукацыі», — адзначыла начальніца галоўнага ўпраўлення.
А 10‑й раніцы на Пружаншчыне было да мінус 27 градусаў марозу.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі9
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары