Навукоўцы патлумачылі, чаму дарагое віно смачнейшае
Праз высокі кошт людзі чакаюць, што шакалад і віно будуць вельмі смачнымі. Навукоўцы высветлілі, што гэта ўплывае на адпаведныя вобласці ўспрымання ў галаўным мозгу. Даследаванне было апублікаванае ў часопісе Scientific Reports.
Праз адрозненні ў цане людзі могуць лічыць аднолькавыя па якасці прадукты зусім рознымі. Гэтую з'яву называюць «маркетынгавым эфектам плацэба».
Як і ў выпадку з лекавымі прэпаратамі-пустышкамі, эфект звязаны не з рэальнымі ўласцівасцямі, а з тымі, што толькі прыпісваюцца прадукту.
У ходзе работы даследчыкі параўналі, як розніца ў кошце ўплывае на адпаведныя адчуванні ў мозгу, нават калі віно, якое пілі рэспандэнты, было нясмачным. У эксперыменце прымалі ўдзел 15 мужчын і 15 жанчын, сярэдні ўзрост якіх склаў 30 гадоў.
Падчас дэгустацыі даследчыкі з дапамогай МРТ сачылі за актыўнасцю мозгу ўдзельнікаў. Да таго як рэспандэнт каштаваў віно, яму паказвалі цану напою, і толькі пасля гэтага віно паступала ў рот чалавека па трубцы. Пасля гэтага ўдзельнік, націскаючы кнопку, ацэньваў смак напою па дзевяцібальнай шкале. Перад дэгустацыяй наступнага ўзору чалавека прасілі спаласнуць рот вадой.
Па словах аўтараў, у эфекту плацэба ёсць свае межы. Калі, напрыклад, вельмі нізкаякаснае віно прадаюць за 100 еўра, то эфекту, верагодна, не будзе.
Даследчыкі давалі рэспандэнтам чырвонае віно сярэдняй і высокай якасці і паказвалі ім цэннікі ў 3, 6 і 18 еўра.
Як і чакалася, рэспандэнты заявілі, што віно з больш высокім коштам лепшае за «таннае», і ўсё адно, ці трэба было за яго плаціць, ці можна было пакаштаваць бясплатна.
Цяпер чытаюць
У расійскай арміі беларускага наёмніка павесілі на дрэве ўніз галавой і білі палкай па геніталіях22
Каментары