Лукашэнка запатрабаваў падняць заробкі ў сацыяльнай сферы, паведаміў віцэ-прэм'ер Васіль Жарко па выніках мінулай рабочай сустрэчы ў кіраўніка дзяржавы. Па словах віцэ-прэм'ера, да канца года сярэднія зарплаты настаўнікаў і дактароў павінны скласці 800 рублёў, а ў наступным годзе - стаць яшчэ большымі.
— Заробак педагога, як і заробак доктара, павінен быць дастойным. І задачу прэзідэнт паставіў. Яна павінна быць выканана і ў гэтым, і ў наступным годзе, — заявіў віцэ-прэм'ер Васіль Жарко. — У гэтым годзе ў нас плануецца 800 рублёў у сярэднім па галіне. І мы абавязаны гэтага заробку дасягнуць да канца года. У наступным годзе зарплата павінна быць большай.
Паводле яго слоў, на сустрэчы кіраўнік дзяржавы падкрэсліў, што настаўнікі і ўрачы — гэта аснова грамадства, і неабходна ўжо да канца года падняць планку сярэдняй зарплаты, а таксама больш шчыльна заняцца адпаведным пытаннем у наступным годзе.
Нагадаем, сярэдняя зарплата работнікаў бюджэтных арганізацый у чэрвені склала 624,7 рубля. Гэта на 23,6 рубля, або на 3,9% больш, чым у маі. Пры гэтым заробкі настаўнікаў у мінулым месяцы ўпалі, а дактароў перавысілі 1000 рублёў.
Чэрвеньская зарплата бюджэтнікаў адстае ад сярэдняй па краіне на 194,6 рубля.
Рэальная зарплата бюджэтнікаў у мінулым месяцы вырасла на 3,2% у параўнанні з майскай, паведамляе Tut.by
Загінуў беларускі добраахвотнік Васіль «Дзір» Рапіцкі11
Каментары