Мінадукацыі агучыла новыя цэны за карыстанне школьнымі падручнікамі ў 2017/2018 навучальным годзе. Адпаведная пастанова апублікавана на Нацыянальным прававым інтэрнэт-партале, піша finance.tut.by.
Самыя дарагія падручнікі для 7 класа - 40,57 рубля (але бацькі аплочваюць палову). Даражэй за ўсё ў камплекце з 14 кніг каштуюць падручнікі па матэматыцы (6,33 рубля), замежнай мове (5,2 рубля) і рускай літаратуры (5,88 рубля),
а танней за ўсё — па беларускай літаратуры (0,3 рубля).
Атрымліваецца, што бацькам, чые дзеці пойдуць у 7 клас, за карыстанне падручнікамі прыйдзецца заплаціць 20,28 рубля (у мінулым навучальным годзе — 8,12 рубля). У шостым — 13,32.
Для параўнання: у мінулым навучальным годзе больш за ўсё каштавалі кнігі і дапаможнікі для 6 класа - 28,09 рубля, за карыстанне трэба было аддаць 14,04 рубля.
Менш за ўсё трэба заплаціць за карыстанне дапаможнікамі і падручнікамі вучням 4 класа - 6,7 рубля.
Унесці аплату за карыстанне школьнымі падручнікамі і дапаможнікамі трэба да 1 кастрычніка. Можна і праз АРІП.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла16
Каментары