Два расійскія ваенна-транспартныя самалёты Іл-76 16 верасня падчас расійска-беларускіх вучэнняў «Захад-2017» парушылі паветраную прастору Літвы, паведамляе defence.ru са спасылкай на літоўскі МЗС.
У міністэрства ў панядзелак быў выкліканы расійскі пасол у Літве Аляксандр Удальцоў, яму ўручаная адпаведная нота.
МЗС паведамляе, што інцыдэнт адбыўся позна ўвечары 16 верасня, калі два Іл-76, якія ляцелі з асноўнай часткі Расіі ў Калінінградскую вобласць, увайшлі ў паветраную прастору Літвы і прабылі ў ёй каля дзвюх хвілін.
Міністэрства заявіла расійскаму паслу пратэст і запатрабавала, каб адказныя ведамствы Расіі як мага хутчэй далі тлумачэнні ў сувязі з гэтым інцыдэнтам і прынялі неабходныя меры да таго, каб у будучыні такія інцыдэнты не паўтараліся, адзначаюць літоўскія дыпламаты.
Каментары