22-24 верасня праект «Беларускія ўікенды» пры падтрымцы velcom і «Атлант Тэлекам» прэзентуе знакаміты фільм «Форэст Гамп» у беларускай агучцы.
«Форэст Гамп» — добры, смешны і сумны фільм — самая паспяховая праца знакамітага рэжысёра Роберта Земекіса. Стужка атрымала 36 розных узнагарод, у тым ліку 6 статуэтак «Оскар». Гісторыя Форэста Гампа — гэта адначасова і гісторыя ўсяго амерыканскага грамадства другой паловы XX стагоддзя. У той жа час жыццё галоўнага героя, якое можна апісаць біблійнай фразай «будзьце як дзеці», адкрывае нам нечаканую праўду пра саміх сябе. Нядзіўна, што сам фільм і яго персанажы сталі легендарнымі — як і знакамітае «Бяжы, Форэст, бяжы!».
Дарэчы, у тым, што бег можа ператварыцца ў спосаб вырашэння актуальных праблем — не толькі жыццёвых, але і грамадскіх, — пераканаўча сведчыць прыклад буйнога сацыяльна значнага праекта — velcombegom. Перад прэм’ерным паказам начальнік аддзела карпаратыўных камунікацый кампаніі velcom Вячаслаў Смірноў падзеліцца з аўдыторыяй цікавым вопытам рэалізацыі масштабнага сацыяльнага праекта.
Фільм «Форэст Гамп», агучаны на беларускую мову найлепшымі беларускімі акцёрамі, будзе прэзентаваны ў сталічным кінатэатры «Масква» 22-24 верасня.
Падрабязнасці на kinakong.by. Квіткі на сеансы можна набыць у касах кінатэатра і на bycard.by.
-
Netflix расказаў пра неверагодны поспех серыяла «Вельмі дзіўныя справы». Серыял уплывае на ўсе сферы жыцця
-
На Захадзе выбухнуў серыял пра каханне расійскага і канадскага хакеістаў
-
Акцёр папулярнага серыяла «Вельмі дзіўныя справы» паўтара года не прызнаваўся пра здымкі. Казаў, што грае ў дакументалцы пра маянэз
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары