Беларуская і ўкраінская на адной галіне — створана генетычнае дрэва моў свету
Ілюстратар Міна Сандберг (Minna Sundberg) у інфаграфіцы намалявала лінгвістычнае дрэва, якое паказвае цікавыя сувязі паміж рознымі мовамі, піша Інтэкс-прэс са спасылкай на io9.gizmodo.com.
Грунтуючыся на даследаванні Ethnologue, Міна з дапамогай дрэва праілюстравала, як усе асноўныя еўрапейскія, і нават многія ўсходнія мовы, згрупаваныя ў індаеўрапейскія і ўральскія «сем'і». На малюнку ствалы дрэў уяўляюць моўныя групы, лісце — мовы.
Але нават гэтай падрабязнай выявай аўтарка не здолела ахапіць вялізную колькасць моў.
— У адной толькі індаеўрапейскай сям'і літаральна сотні моў, і на гэтай старонцы я не магла размясціць іх, таму большасць моў, на якіх гаворыць менш за 1 млн чалавек, сюды не патрапіла».
Характэрна, што крона славянскіх моў падзяляецца на чатыры буйныя галіны. У адной — польская, славацкая і чэшская, у другой — руская, а трэцяя аб'ядноўвае беларускую і ўкраінскую мовы. Яшчэ адна «балканская галіна» змяшчае 6 славянскіх моў — баснійскую, харвацкую, сербскую, балгарскую, македонскую і славенскую.
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Каментары