На фоне актыўных дэбатаў з нагоды ўкаранення новых фінансавых інструментаў (блокчэйн, крыптавалюты) беларускія праваахоўныя органы раскрылі старажытны падпольны банкінг, які квітнеў ў беларускай сталіцы. Па наяўнай інфармацыі, на мінулым тыдні ў Мінску затрымалі ўдзельнікаў міжнароднай сеткі «хавала», якая займаецца нелегальным пераводам грошай. Пра гэта TUT.BY паведамілі інфармаваныя крыніцы.
«У будынку ў цэнтры Мінска сілавікі затрымалі «хаваладараў». Гэта выхадцы з краін Сярэдняй Азіі, якія ўжо даўно пражываюць у Беларусі. З іх дапамогай нелегальна пераводзіліся вялікія сумы грошай. Гаворка ідзе пра сямізначныя лічбы», — сказаў суразмоўца. Яшчэ адна крыніца пацвердзіла інфармацыю аб затрыманні, але адмовілася раскрыць іншыя падрабязнасці дадзенай спецаперацыі.
Атрымаць каментар і пацвердзіць інфармацыю ў праваахоўных органах не ўдалося.
Сістэма ценявых грашовых пераводаў пад назвай «хавала» існуе яшчэ з сярэднявечча. Як правіла, выкарыстоўваецца выхадцамі краін Блізкага Усходу і Азіі. Адносіны ў ёй будуюцца на прынцыпе даверу і ўзаемаразлікаў, а дакументацыя фактычна не вядзецца. Такім чынам, даказаць, што той ці іншы чалавек мае дачыненне да адмывання сродкаў, аператыўнікам бывае вельмі складана.
Галоўным звяном сістэмы «хавала» з'яўляюцца брокеры — іх называюць «хаваладарамі». Менавіта яны арганізуюць пераводы паміж краінамі. Пры гэтым фізічна грошы не пакідаюць межы дзяржавы: адпраўнік проста аддае грошы брокеру ў адной краіне, атрымлівае ад яго сакрэтны код (напрыклад, лічбы з адной з купюр), які затым атрымальнік у іншай краіне павінен назваць другому брокеру, каб атрымаць пачатковую суму. Пасля брокеры разлічваюцца паміж сабой.
«Хавала» дазваляе хутка (ад 24 да 48 гадзін) пераводзіць значныя сумы грошай з мінімальнымі камісіямі, робячы аперацыі цалкам «нябачнымі» для ўладаў краін, паміж якімі ажыццяўляецца транзакцыя. Сістэма з'яўляецца аптымальным інструментам для нелегальных мігрантаў, якім трэба перавесці грошы на радзіму, для адмывання грошай або ўхілення ад выплаты падаткаў, для абыходу санкцый, а таксама для фінансавання тэрарызму.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары