Прэзідэнт ЗША Дональд Трамп падпісаў распараджэнне аб ужыванні аднабаковых эканамічных санкцый з мэтай узмацнення жорсткасці барацьбы з гандлем людзьмі ў свеце, якое закранула цэлы шэраг краін, у тым ліку Венесуэлу, Кітай, Сірыю, Расію і многія іншыя. Адначасова амерыканскі лідар дазволіў ураду ЗША ў цэлым шэрагу такіх выпадкаў па гуманітарных і іншых меркаваннях не прымяняць гэтыя абмежавальныя меры.
У адпаведнасці з адным з пунктаў мемарандума, прадстаўнікам ЗША ў Міжнародным валютным фондзе і шматбаковых банках развіцця дадзена ўказанне галасаваць у 2018-м фінансавым годзе супраць праектаў, «якія ідуць на карысць ўрадам Ірана, КНДР і Расіі», за выключэннем тых выпадкаў, калі справа тычыцца «гуманітарнага садзейнічання». Аднак аналагічныя рашэнні ўжо былі прынятыя адміністрацыяй ЗША раней.
Акрамя таго, Трамп, да прыкладу, загадаў спыніць фінансаванне амерыканскіх дзяржаўных праграм адукацыйных і культурных абменаў з Расіяй, КНДР, Сірыяй і Эрытрэяй. Тым не менш іншым сваім рашэннем ён фактычна адмяніў дадзеную пастанову, дазволіўшы працяг такіх праграм з Расіяй, Сірыяй і Эрытрэяй на падставе таго, што гэта адпавядае «нацыянальным інтарэсам Злучаных Штатаў».
Падобныя рашэнні Трамп прыняў і ў дачыненні да Беларусі, Туркменіі, Узбекістана. Усе гэтыя ўказанні вынікаюць з палажэнняў накіраванага на супрацьдзеянне гандлю людзьмі нацыянальнага заканадаўства ЗША, якому Вашынгтон спрабуе надаць экстэрытарыяльны характар. Распараджэнне было падпісана ў сувязі з тым, што Дзярждэпартамент штогод публікуе даклад аб праблеме гандлю людзьмі, ацэньваючы дзеянні іншых дзяржаў у гэтай галіне.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары