У Мінску тралейбус сутыкнуўся з грузавіком, пацярпелі, па папярэдняй інфармацыі, два чалавек. Пра гэта БЕЛТА паведаміла старшы інспектар па агітацыі і прапагандзе АДАІ Маскоўскага РУУС Мінска Любоў Трапашка.
ДТЗ адбылося каля пяці гадзін вечара на скрыжаванні праспектаў Дзяржынскага і Любімава. «Кіроўца грузавіка, які рухаўся з боку МКАД у кірунку горада, перасякаў праспект Любімава. А тралейбус праязджаў праспект Дзяржынскага ў кірунку вуліцы Каралінскай. Адбылося сутыкненне. Паводле папярэдняй інфармацыі, кіроўца тралейбуса выехаў на чырвоны сігнал святлафора», — распавяла яна.
На дадзены момант ёсць інфармацыя пра дваіх пацярпелых, адзін з іх кіроўца тралейбуса.
Цяпер рух па праспекце Дзяржынскага з боку МКАД у напрамку Любімава ўскладнены. ДАІ просіць кіроўцаў улічваць гэтую інфармацыю пры выбары маршруту.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары