«Яндэкс» прадставіў Алісу — галасавога памочніка на аснове нейроннай сеткі
Пра тое, што «Яндэкс» тэстуе Алісу, стала вядома вясной гэтага года. Асістэнт, адклікаючыся на галасавыя каманды, можа ажыццяўляць пошук у інтэрнэце, пракладаць маршруты, распавядаць прагноз надвор'я і іншае.
Расійская транснацыянальная кампанія запэўнівае, што Аліса — гэта першы ў свеце галасавы памочнік, які не абмяжоўваецца наборам загадзя зададзеных адказаў.
«Мы хацелі, каб Аліса гаварыла з людзьмі на іх мове, а не прывучала да сваёй, як гэта рабілі камп'ютарныя інтэрфейсы ў мінулым, — распавядае Дзяніс Філіпаў, кіраўнік кірунку маўленчых тэхналогій «Яндэкса». — Для гэтага, у першую чаргу, неабходна, каб яна разумела сапраўдную чалавечую гаворку, а не толькі ідэальна вымаўленыя запыты. Гэта было адным з прыярытэтаў пры распрацоўцы Алісы».
Асістэнт пакуль працуе выключна з рускамоўнымі карыстальнікамі.
Узаемадзейнічаць з людзьмі асістэнту дапамагаюць маўленчыя тэхналогіі SpeechKit, дзякуючы якім памочнік распазнае сказанае і выяўляе сэнс прапановаў. Дакладнасць распазнавання ў SpeechKit супастаўная з узроўнем чалавека.
Паведамляецца, што Аліса разумее дзяцей, дарослых і нават тых, хто гаворыць з акцэнтам. Галасавы асістэнт умее працаваць з некалькімі сэрвісамі «Яндэкса», у тым ліку з «Пошукам», «Картамі», «Музыкай» і «Надвор'ем». З часам сістэма навучыцца звяртацца да іншых вэб-службаў.
Зняволены расказаў, як сядзеў у калоніі ў Глыбокім у суседняй камеры са Статкевічам3
Каментары