Арганізатары святкавання Новага году ў Берліне вырашылі сёлета ўпершыню ў гісторыі стварыць адмысловую «зону бяспекі» для жанчын, паведамляе Бі-Бі-Сі.
Новыя захады бяспекі будуць прымененыя каля Брандэнбургскай Брамы ў сувязі з вялікаю колькасцю атак супраць жанчын у мінулыя гады з боку груп мігрантаў. Сотні жанчын звярнуліся тады ў паліцыю са скаргамі на акты сэксуальнай агрэсіі.
Асабліва інтэнсіўна гэта назіралася ў 2015 годзе ў сувязі са з'яўленнем у Нямеччыне каля 1 мільёна новых мігрантаў цягам года.
Паліцыя Берліна папярэджвае ўсіх, хто пажадае наведаць святкаванне Новага году ў нямецкай сталіцы, што захады бяспекі на вуліцах будуць падвышаныя, а асобы з вялікімі заплечнікамі і алкагольнымі напоямі навідавоку будуць затрымлівацца.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары