У паўночных штатах ЗША за апошні тыдзень з прычыны анамальных халадоў загінулі ўжо 16 чалавек, паведамляе CNN.
Шэсць чалавек замерзлі ў паўночна-заходнім штаце Вісконсін, а чатыры — у Тэхасе. У штаце Місуры, дзе сярэдняя шматгадовая тэмпература студзеня не падае ніжэй за мінус тры градусы Цэльсія, зараз назіраецца каля мінус трынаццаці. У паўночна-заходняй частцы штату Фларыда сёння ўпершыню за 29 год выпаў снег.
На дадатак на ўсходняе ўзбярэжжа ЗША прыйшоў зімовы цыклон з хуткасцямі ветраў большымі за 120 кіламетраў на гадзіну і хвалямі ў 5-6 метраў вышынёю. У зоне ягонага дзеяння пражываюць каля 13 мільёнаў чалавек.
Сёння па ўсёй тэрыторыі Злучаных Штатаў праз снегапады і холад адмененыя каля 1300 авіярэйсаў, Ніягарскі вадаспад па-ранейшаму часткова замерзлы. Прагнозы кажуць пра далейшае зніжэнне тэмпературы і анамальна моцныя ветры ў паўночна-ўсходняй частцы краіны.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары