Беларусь перамясцілася з 7 (самай горшай) у 6 групу краін па класіфікацыі крэдытнай рызыкі ў рэйтынгу Арганізацыі эканамічнага супрацоўніцтва і развіцця (АЭСР), якая аб'ядноўвае развітыя краіны свету. Інфармацыя пра гэта размешчана на сайце АЭСР.
Сёння Беларусь суседнічае з Арменіяй, Аргенцінай, Бенінам, Камерунам, Егіптам, Эквадорам, Грузіяй, Ганай, Ямайкай, Казахстанам, Папуа — Новай Гвінеяй, Туркменістанам, Манголіяй і шэрагам іншых краін.
Беларусь працяглы час жыла на самым дне гэтага рэйтынгу. Беларускія ўлады ў апошнія 2 гады вялі актыўныя перамовы з нагоды паляпшэння сітуацыі. Рэч у тым, што гэты рэйтынг ўплывае на кошт рэсурсаў у заходніх банках. З-за прысутнасці краіны ў горшай групе краін беларускім прадпрыемствам занадта дорага прыцягваць экспартныя крэдыты банкаў з развітых краін на куплю імпартнага абсталявання. Замежныя фінансавыя інстытуты фарміруюць кошт рэсурсаў з улікам краінавых рызык менавіта па класіфікацыі АЭСР.
АЭСР ранжыруе краіны па 8 катэгорыях рызыкі. Краіны з высокім узроўнем даходаў аўтаматычна адносяцца да нулявой катэгорыі. Астатнія размеркаваныя па 7-мі групах у залежнасці ад ацэнкі крэдытнай рызыкі, на аснове аналізу 3-х груп паказчыкаў: практыкі ажыццяўлення плацяжоў, фінансавага стану краіны і яе эканамічнай сітуацыі.
Характэрна, што ўчора міжнароднае рэйтынгавае агенцтва Fitch Ratings павысіла доўгатэрміновыя рэйтынгі дэфолту эмітэнта Беларусі ў замежнай і нацыянальнай валюце да ўзроўню «B» з «B-» са «стабільным» прагнозам. Як адзначана ў паведамленні агенцтва, кароткатэрміновыя рызыкі замежнага фінансавання Беларусі зменшыліся з прычыны папярэдняга рэзервавання фінансаў у 2017 годзе пад плацяжы 2018 года, а таксама з-за павелічэння золатавалютных рэзерваў да 7,3 млрд даляраў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»28
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары