Карлюкевіч: Акцэнт у рабоце Мінінфарма ў 2018 годзе будзе зроблены на інтэрнэт і сацсеткі
Пра гэта сёння журналістам паведаміў міністр інфармацыі Аляксандр Карлюкевіч на калегіі ведамства.
Акцэнт у рабоце міністэрства будзе зроблены на інтэрнэт, сацыяльныя сеткі, акаўнты, якія даводзяць інфармацыю да спажыўца, распавёў Аляксандр Карлюкевіч.
Як растлумачыў міністр, адпаведным чынам будуць пераарыентаваны фінансавыя патокі. Змены закрануць таксама творчыя падыходы і сістэму адукацыі. «Будзем шукаць традыцыі, вопыт, якія павінны прыйсці з друкаваных СМІ ў сацыяльныя сеткі, новыя масмедыя», - адзначыў кіраўнік Мінінфарма.
Ён мяркуе, што ў дачыненні да сацсетак не зусім карэктна казаць пра нейкі кантроль.
«Заканадаўчая практыка, маральныя, этычныя падыходы ў працы журналіста павінны супадаць з тым, што размяшчаецца ў сацыяльных сетках», — сказаў Аляксандр Карлюкевіч. Такія падыходы будуць пакладзены ў аснову змяненняў у медыазаканадаўстве Беларусі. Па словах міністра, у гэтым плане чакаецца шмат ініцыятыў.
Малады работнік «Мінск-Арэны» павінен заплаціць 71 мільён даляраў4
Каментары