Ва Украіне яшчэ адну беларуску аштрафавалі за «георгіеўскую» стужку на аўтамабілі
Грамадзянка Беларусі, жыхарка Кобрына мае сплаціць штраф у памеры 850 грыўняў і яшчэ 353 грыўні судовага збору (разам гэта каля 90 беларускіх рублёў у эквіваленце) за публічную дэманстрацыю забароненай ва Украіне «георгіеўскай» стужкі, піша Радыё Свабода.
У выпадку, калі яна адмовіцца выплаціць вызначаны судом штраф, зь яе прымусова спагоняць двайны памер штрафу — 1700 грыўняў (прыкладна 65 даляраў).
Пратакол аб правапарушэнні ў дачыненні беларускі быў складзены падчас перасячэння ёю мяжы ў памежным пункце «Даманава» (Валынская вобласьць. «Георгіеўская» стужка была прымацаваная на радыёантэне яе аўтамабіля «Фальксваген Пасат».
Гэта другі выпадак прыцягненьня да адміністрацыйнай адказнасьці грамадзян Беларусі за выкарыстанне «георгіеўскай» стужкі. Сёлета ў студзені Беларус у Карпатах заплаціў максімальны штраф.
Каментары