За 15 дзён дзеяння новых правілаў мадэрацыі колькасць каментаў вырасла на 5%, прагледжаных старонак — на 5,5%
Ад 8 лютага на сайце NN.by запрацавалі новыя правілы каментавання. Гэта быў асэнсаваны крок Рэдакцыі — мы ўпэўненыя, што павышэнне культуры дыскусіі — патрэба часу і важны крок для пашырэння супольнасці.
Адзін з удзельнікаў «Клуба рэдактараў» на БТ выказаў думку, што такое новаўвядзенне ўдарыць па «Нашай Ніве» — маўляў, шмат хто заходзіў на сайты менавіта ў пошуках брыдкіх каментароў.
Аднак гэта абсалютна няправільнае разуменне беларускай аўдыторыі, большая частка якой — выхаваныя людзі, якія ўмеюць думаць і маюць узважанае меркаванне. Бруд у каментарах перашкаджае ім.
Статыстыка паказвае, што колькасць напісаных на сайце каментароў за мінулыя тыдні вырасла.
За перыяд з 8 да 22 лютага пад артыкуламі на NN.by было прынята (без уліку выдаленых) 17257 каментаў. Для параўнання, з 24 студзеня да 7 лютага намі было прынята 16459 каментаў.
Мы будзем жорстка мадэраваць каментары і надалей. Нагадаем, што мы цяпер не проста выдаляем мацюкі і паскудствы, але рэжам і проста бруд і хейтарства. Як бачыце, гэта не зменшыла плюралізм меркаванняў на сайце і зрабіла нашы абмеркаванні больш прывабнымі для асноўнай масы чытачоў.
Адзначым, што за гэтыя 15 дзён проці папярэдніх вырасла і колькасць наведнікаў сайта (з 293 тысяч да 297 тысяч), і колькасць прагледжаных старонак (з 3,78 млн да 3,99 млн).
Читайте также: «Наша Ніва» мяняе палітыку мадэрацыі каментароў
-
400‑тысячны артыкул апублікаваны на сайце «Нашай Нівы». А пра што былі 300-тысячны, 200-тысячны, 100-тысячны?
-
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам
-
Калі вы працуеце ў Польшчы, то можаце за хвіліну падтрымаць «Нашу Ніву» 1,5% падаходнага, не патраціўшы ані гроша. Вось як
Каментары