Фэйкавыя навіны распаўсюджваюцца ў Twitter значна хутчэй за сапраўдныя — даследаванне
Як паведамляе Reuters, да такой высновы прыйшлі навукоўцы Масачусецкага тэхналагічнага інстытута.
Спецыялісты прааналізавалі каля 126 тысяч паведамленняў, пакінутых у Twitter з 2006 па 2017 год, і выявілі, што недакладная інфармацыя рэтвіціцца карыстальнікамі на 70% часцей за сапраўдныя навіны.
Даследаванне, апублікаванае часопісам Science, як адзначаецца, стала адной з самых сур'ёзных спробаў аналізу дынамікі распаўсюджвання фэйкавых навін у сацыяльных сетках. Інфармацыю, якую аналізавалі навукоўцы, правяралі шэсць незалежных фактчэкінгавых арганізацый, у прыватнасці — Snopes і Politifact. Паводле высноваў навукоўцаў, фэйкавыя навіны распаўсюджваюцца значна хутчэй ва ўсіх катэгорыях. Асабліва гэта тычыцца навін пра палітыку, у меншай ступені — навін аб тэрарызме, стыхійных бедствах, навуцы, фінансах і «гарадскіх легендах». Пры гэтым, такую дынаміку забяспечваюць, у асноўным, сапраўдныя карыстальнікі, а не аўтаматызаваныя «боты».
Цяпер чытаюць
Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў8
Каментары