Сёньня раніцай у завулку Тэлеграфным аднавілі сьпілоўваньне дрэваў. Некалькі чалавек і краязнавец Ігар Лапеха ў тым ліку, паспрабавалі перашкодзіць гэтаму.
Сёньня раніцай у завулку Тэлеграфным побач з каледжам жыльлёва-камунальнай гаспадаркі аднавілі сьпілоўваньне дрэваў. Актывіст руху "За Свабоду!" Эдвард Дмухоўскі, краязнавец Ігар Лапеха і актывістка Надзея Крапівіна былі затрыманыя за спробу перашкодзіць высяканьню грабаў. Міліцыянтаў выклікаў дырэктар каледжу Аляксандар Красуцкі. Затрыманьнем кіраваў маёр Сяргей Вечар.
Як паведаміў сп. Лапеха, затрыманых адвезьлі ў РУУС Ленінскага раёну на вуліцы Тэльмана.
Э. Дмухоўскага абвінавацілі ў дробным хуліганстве -- перашкаджаў ажыцьцяўляць зьнішчэньне дрэваў супрацоўнікам Горадяназелянгасу. На яго склалі пратакол паводле арт. 17.1 КаАП. У адносінах да І. Лапехі і Н. Крапівінай супрацоўнікі міліцыі склалі па два пратаколы: дробнае хуліганства і непадпарадкаваньне законным патрабаваньням супрацоўнікаў праваахоўных органаў. Бліжэйшым часам суд разгледзіць справы грамадзкіх актывістаў, ім пагражае штраф у буйных памерах, або адміністрацыйны арышт, паведаміла Радыё Рацыя.
Нагадаем, што на пачатку кастрычніка мясцовыя жыхары спынілі незаконнае высяканьне грабавай алеі – дрэваў, занесеных ў Чырвоную кнігу дрэваў.
Здымкі Радыё Рацыя
На зіму запланаваныя масавыя затрыманні, складзеныя «першы і другі спісы»8
Каментары