Анкара «вітае» праведзеную заходняй кааліцыяй атаку па тэрыторыі Сірыі і разглядае яе як адказ на прымяненне хімічнай зброі афіцыйным Дамаскам супраць мірнага насельніцтва. Пра гэта гаворыцца ў заяве МЗС Турцыі, якое прыводзіць Daily Sabah.
«Дзеянні кааліцыі праходзілі ва ўмовах нападу рэжыму супраць жыхароў Думы, супраць усяго чалавецтва. Мы вітаем ўдары, якія цяпер на сумленні Дамаска», — сказана ў заяве МЗС.
У турэцкім замежнапалітычным ведамстве лічаць, што ўдар заходняй кааліцыі дапаможа прадухіліць наступнае магчымае прымяненне хімзброі ў іншых рэгіёнах.
У Вялікабрытаніі нанясенне ўдару палічылі непазбежным, бо яму не было іншых альтэрнатыў.
Прэм'ер-міністр краіны Тэрэза Мэй назвала атаку «сігналам для кожнага», хто вырашыць выкарыстоўваць хімічную зброю.
Францыя, якая разам з Лонданам і Вашынгтонам удзельнічала ў атацы кааліцыі, назвала свае дзеянні легітымнымі і апраўданымі.
Цяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары