Міністр унутраных спраў Брытаніі Эмбер Рад сышла ў адстаўку ў сувязі са скандалам вакол імігрантаў так званага пакалення Уіндраш, піша Бі-бі-сі.
Гэта імігранты з Карыбскага басейна, першы карабель з якімі пад назвай «Эмпайр Уіндраш» (Windrush) прыбыў у Лондан 22 чэрвеня 1948 года. Іх запрасілі ў Брытанію, каб папоўніць недахоп працоўнай сілы ў краіне.
Скандал узнік пасля таго, як стала вядома, што некаторых перасяленцаў з краін-членаў Брытанскага Садружнасці, якія прыехалі ў Каралеўства ў перыяд з канца 1940-х да 1970-х гадоў, а таксама іх сваякоў абвясцілі нелегальнымі імігрантамі.
Міністра крытыкавалі за тое, што МУС усталявала мэтавыя паказчыкі на дэпартацыю імігрантаў пакалення Уіндраш, і што Рад было пра гэта вядома.
У нядзелю ўвечары Рад патэлефанавала прэм'ер-міністру і паведаміла пра сваё рашэнне пакінуць пасаду — у сувязі з узмацненнем ціску з боку апазіцыі, якая запатрабавала яе адстаўкі.
У прашэнні аб адстаўцы гаворыцца, што міністр бярэ на сябе ўсю адказнасць за тое, што ёй не было вядома аб мэтавых паказчыках, устаноўленых у яе міністэрстве.
«Прэм'ер-міністр ўвечары прыняла адстаўку міністра ўнутраных спраў», — заявіў прэс-сакратар урада 29 красавіка.
Імя пераемніка Рад чале МУС, як чакаецца, стане вядома ў панядзелак.
Па словах аднаго з дэпутатаў, «Эмбер Рад сышла, бо была не ў курсе таго, што адбываецца ў яе ведамстве» і страціла давер сваіх падначаленых.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае26
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары