Структурнае падраздзяленне БДУ, якое рыхтуе кадры для СМІ, надалей будзе называцца факультэтам журналістыкі — такое рашэнне прынята па выніках круглага стала «Стратэгічнае партнёрства ў сферах медыявытворчасці і масавых камунікацый» з удзелам прадстаўнікоў кіраўніцтва ВНУ, былога Інстытута журналістыкі БДУ, Міністэрства інфармацыі і кіраўнікоў вядучых айчынных СМІ, піша sb.by.
— Да гэтага часу адкрытым заставалася пытанне назвы факультэта БДУ, — паведаміла прэс-служба ВНУ. — Удзельнікі калегіяльна прынялі рашэнне аб захаванні вядомай і стаўшай брэндам назвы — факультэт журналістыкі.
У красавіку на Савеце БДУ было прынята рашэнне аб рэарганізацыі Інстытута журналістыкі ў два факультэты. З структуры інстытута было вырашана вывесці факультэт павышэння кваліфікацыі і перападрыхтоўкі (ФПКП) з прысваеннем яму статусу адзінага навукова-метадычнага і каардынацыйнага цэнтра дадатковай адукацыі дарослых у комплексе ВНУ. Гэта абумоўлена пашырэннем ФПКП дзейнасці ў галіне дадатковай адукацыі і экспарту адукацыйных паслуг. У ходзе савета таксама было вырашана перайменаваць факультэт журналістыкі ў сувязі з актыўным развіццём існуючых напрамкаў падрыхтоўкі.
Каментары