Некалькі тысяч чалавек адзначылі «Наш дзень» ШМАТ ФОТА
У Музеі народнай архітэктуры і побыту, што пад Мінскам, 30 чэрвеня прайшоў рок-фэст «Наш дзень» з цалкам беларускай праграмай.
За 10 гадзін тут выступілі Volski, Neuro Dubel, Dzieciuki, Akute, B:N:, «Дай дарогу!», Nizkiz, «Крама», The Superbullz, «Мутнаевока», Зміцер Вайцюшкевіч, Пятро Клюеў, Pylaj, Loudscage, і Čas Łajna.
У плане выканаўцаў фестываль вельмі падобны да канцэрта на Дзень Волі 2018, але тут ужо кожны наведвальнік набыў квіток і тым самы паказаў, што можна збіраць тысячы людзей выключна на сваіх музыкаў.
Цікавая сітуацыя была з бел-чырвона-белымі сцягамі. Шмат хто ўзяў сцяг з сабой, але супрацоўнікі музея прасілі сімволіку схаваць. Ужо пад канец фэсту, на Dzieciuki і Вольскім, скаванасць знікла — і каля дзясятка сцягоў залунала над слухачамі.
Цяпер чытаюць
Што Бабарыка і Калеснікава адказалі на пытанні пра вайну48
Каментары