Вайскоўцы 102-й расійскай вайсковай базы ў Арменіі правялі вучэнні на тэрыторыі вёскі і напужалі не толькі жыхароў сяла Панік, але і жыхароў навакольных вёсак.
Спачатку яны падумалі, што пачалася сапраўдная вайна. Да трох дзясяткаў салдат перакрылі дарогу вёскі, спынілі сваю калону, і пачалі страляць. Як высветлілася пазней, патроны былі халастыя.
Людзі адразу выбеглі з дамоў пасля гэтых гукаў, некаторыя дзеці нават страцілі прытомнасць. Расійскія вайскоўцы нікога не папярэдзілі, што на тэрыторыі вёскі будуць вучэнні.
У фэйсбуку з'явіліся відэазапісы размовы мясцовых жыхароў з расійскімі вайскоўцамі.
Намеснік камандзіра 102-й расійскай базы ў Арменіі па працы з асабовым складам Аляксей Палюховіч сказаў, што кіраўніцтва базы разбіраецца з інцыдэнтам.
Каментары