Раніцай 11 жніўня ў аператыўна-дзяжурную часць Цэнтральнага РУУС паступіла паведамленне, што на даху аднаго з будынкаў на вул. Зыбіцкай знаходзіцца дзяўчына і мае намеры з яго скочыць, паведамляе прэс-служба ГУУС Мінгарвыканкама.
Супрацоўнікі АМАП, якія дзяжурылі непадалёк, неадкладна прыбылі на месца здарэння. Па словах супрацоўнікаў міліцэйскага спецназа, дзяўчына хацела скокнуць з даху з-за канфлікту ў сям'і.
У той час, як два супрацоўнікі АМАП «абхаднымі шляхамі» спрабавалі непрыкметна ўзлезці на дах, трэці знізу адцягваў увагу дзяўчыны.
Як толькі міліцыянтам удалося трапіць на дах, яны пачалі гутарыць з дзяўчынай, змаглі наблізіцца і адвесці яе ад парапета.
Дзяўчына была ўратаваная і перададзеная брыгадзе «хуткай».
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар16
Каментары