рэальная таварная вытворчасьць у эканоміцы ‑ вызначальны фактар. Пра гэта заявіў беларускі прэм'ер падчас свайго візыту ў Рыгу.
Аб гэтым заявіў журналістам прэм’ер‑міністр Беларусі Сяргей Сідорскі 12 лістапада падчас адкрыцця выставы «Беларусь‑ЭКСПА 2008» у Рызе. «Фінансавы крызіс паказаў усю згубнасць папяровай фінансавай сістэмы, якая існавала ў свеце», — лічыць С.Сідорскі.
Паводле яго слоў, Латвія і Беларусь «дастаткова надавалі ўвагі развіццю экспартных рынкаў дзвюх краін».
«Цяпер стаіць задача захаваць гэтыя экспартныя рынкі», — падкрэсліў С.Сідорскі.
Ён паведаміў, што па выніках 2008 года тавараабарот паміж дзвюма краінамі павінен павялічыцца ўдвая ў параўнанні з 2007 годам, і, як чакаецца, ён перавысіць 2,1 млрд. долараў. За студзень—верасень гэты паказчык склаў 1,9 млрд. долараў і ў параўнанні з аналагічным перыядам 2007 года павялічыўся больш чым у 2,5 разу.
С.Сідорскі падкрэсліў, што Латвія трывала ўтрымлівае лідзіруючыя пазіцыі ў знешнегандлёвым абароце Беларусі сярод краін па‑за СНД, займаючы шостае месца па ўзроўні тавараабароту. Экспарт беларускай прадукцыі ў Латвію за дзевяць месяцаў 2008 года склаў 1.767,7 млн. долараў, імпарт — 106,5 млн. долараў.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты13
Каментары