У метро Пецярбурга феміністкі аблілі адбельвальнікам штаны 70 мужчын, якія шырока рассоўвалі ногі
У пецярбургскім метро прайшла акцыя «Рассунуў ногі? Атрымай», мэта якой — прыцягнуць увагу грамадства да праблемы мэнспрэдынгу (звычкі некаторых мужчын сядзець у грамадскім транспарце, шырока рассунуўшы ногі і займаючы больш як адно месца), перадае the-village.ru.
Арганізавала акцыю студэнтка СПбДУ Ганна Даўгалюк, вядомая па акцыі «Што ў мяне пад спадніцай», накіраванай супраць апскертынгу — фатаграфавання пад спадніцамі ў жанчын.
У відэароліку, апублікаваным у сетцы, сяброўка Ганны вылівае паміж ног тых мужчын, што сядзяць у метро, сумесь вады і адбельвальніка. Такі раствор пакідае плямы на тканіне, дзякуючы чаму актывісты хацелі пазначыць мэнспрэдэраў. Усяго падчас акцыі аблілі 70 мужчын.
«Мэнспрэдынг — ганебная з'ява, з якой змагаюцца ва ўсім свеце і якая замоўчваецца ў Расіі. Мы хацелі прыцягнуць увагу людзей да гэтай з'явы, выклікаць грамадскае абмеркаванне і, як вынік, заканадаўчае ўвядзенне адказнасці за мэнспрэдынг», — распавядае пра сваю ініцыятыву Даўгалюк.
Праўда, пазней у інтэрнэце з'явілася інфармацыя, што ў відэа ўдзельнічалі знаёмыя дзяўчыны, ролік пастановачны.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію99
Малодшы сын Сахашчыка абвешчаны зніклым без вестак. Выглядае, ён ваяваў за Расію
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары