«Руслан Башыраў», якога Лондан абвінавачвае ў атручванні былога афіцэра ГРУ Сяргея Скрыпаля і яго дачкі Юліі ў брытанскім Солсберы, у 2018 годзе прадаў сваю машыну іншаму падазраванаму «Аляксандру Пятрову», паведамляе даследчая група Conflict Intelligence Team (CIT).
Мужчыны склалі ўгоду пад рэальнымі імёнамі, якія раней апублікавалі журналісты (Чапіга і Мішкін). CIT для сваіх пошукаў выкарыстала розныя афіцыйныя базы даных, у тым ліку страхавых полісаў, і анлайн-сэрвісы, а таксама інфармацыю, якая выцекла ў сеціва.
Анатоль Чапіга ў 2017 годзе прадаў аўтамабіль BMW X5. Чапіга пакінуў нумарны знак з машыны сабе, затым яго ўстанавілі на Mercedes-Benz GLS. З 2018 года штрафы за парушэнні правіл дарожнага руху на гэтым аўто сталі прыходзіць на імя нейкага Аляксандра Яўгенавіча. Аказалася, што гаворка ідзе пра Аляксандра Мішкіна, якому Чапіга прадаў Mercedes 30 мая.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах7
Каментары