Аляксандр Лукашэнка і Уладзімір Пуцін перад пленарным пасяджэннем V Форуму рэгіёнаў правялі двухбаковую сустрэчу, паведамляе БелТА.
«Як і дамаўляліся, мы цвёрда выконваем запланаванае ў пачатку года», — сказаў беларускі кіраўнік.
Ён адзначыў, што цяперашняя сустрэча для прэзідэнтаў Беларусі і Расіі не апошняя сёлета. Яшчэ маюць адбыцца кантакты ў рамках міжнародных самітаў у Астане і Маскве.
Лукашэнка цёпла вітаў Пуціна ў Магілёве, адзначыўшы, што гэты горад не толькі беларускі, але і расійскі, бо знаходзіцца паблізу расійскай мяжы на ўсходзе Беларусі.
«Заўсёды рады бачыць вас тут. Многае зроблена для гэтага Форуму рэгіёнаў. Прыязджайце ў любы час», - запрасіў беларускі кіраўнік.
У сваю чаргу Уладзімір Пуцін падзякаваў кіраўніку беларускай дзяржавы за запрашэнне, прадметную арганізацыю сумеснай працы на форуме.
Ён выказаў упэўненасць, што мерапрыемствы і вынікі сустрэч на форуме будуць вельмі карыснымі. Пуцін падкрэсліў, што рэалізацыя дамоўленасцей на найвышэйшым узроўні можа быць паспяховай толькі тады, калі дапаўняецца эфектыўнай працай на рэгіянальным узроўні. «Прамых і эфектыўна арганізаваных кантактаў сапраўды вельмі шмат», - сказаў расійскі лідар.
Пуцін таксама звярнуў увагу на добраўпарадкаванне Магілёва, назваўшы яго прыгожым, і адзначыў у гэтым плане заслугі кіраўніцтва города.
Беларусы сустракаюць вызваленых палітвязняў у Вільні ФОТЫ і ВІДЭА2
Каментары