Традыцыйны «Калядны фэст» сёлета выйдзе за межы канцэртнага шоу. Арганізатары пачынаюць пошук новых талентаў, якім дапамогуць запісаць новыя песні, а таксама запросяць выступіць на фэсце!
Да ўдзелу запрашаюцца гурты любой стылістыкі. Заяўкі прымаюцца да 25 лістапада ўключна на скрынку: [email protected] з пазнакай «Конкурс».
У лісце павінна быць назва калектыву, кантактныя звесткі і спасылка на відэа выступу або студыйны запіс 1—3 песень.
Пасля праслухоўвання арганізатары абяруць 10 найлепшых выканаўцаў, якія працягнуць барацьбу ў публічным галасаванні.
Пераможца вызначыцца 18 снежня. Яго запросяць выступіць на «Калядным фэсце» 25 снежня, а фонд «Вяртанне» прафінансуе студыйны запіс 1—2 трэкаў.
«Калядны фэст» сёлета пройдзе ўжо ў дванаццаты раз. За час існавання мерапрыемства стала чаканай падзеяй для ўсіх аматараў беларускай музыкі».
Гледачоў чакаюць традыцыйныя сярэднявечныя і народныя танцы, шмат конкурсаў і падарункаў! Сёлета на фэсце выступяць «Стары Ольса», Znich, Irdorath, Osimira, Rokash. Вядучы — лідар гурта «Стары Ольса» Зміцер Сасноўскі.
Першым 100 наведвальнікам CD Vicious Crusade ў падарунак!
Пачатак а 17:30.
Квiткi: 20—25 руб. танцпол, папярэдне; 35 руб. - месца за столікам + CD «Легенды Вялікага Княства» ў падарунак.
У дзень канцэрта квіткі даражэй.
Інфалінія: 29 8517706, 44 5517706
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай10
Каментары