Віцяблянка выйграла ў знаўцаў расійскага «Што? Дзе? Калі?» амаль $6000
Віцяблянка Паліна Ігнацьева-Крук выйграла ў знаўцаў «Што? Дзе? Калі?» 401 тысячу расійскіх рублёў, або 5820 даляраў, паведамляе Tut.by. Фінал года выйшаў у эфір «Першага канала» ў ноч з 23 на 24 снежня.
Паліна задала пытанне аб англійскай карыкатуры XIX стагоддзя, прысвечанай Расіі. На ёй ёсць рускі мядзведзь, рускі казак, рускі мужык, рускі пасол і Аляксандр I. Знаўцам трэба было зразумець: як аўтар карыкатуры назваў цэнтральнага персанажа ў верхнім шэрагу?
Знаўцы адказалі «французскі салдат». Правільны адказ быў іншым - «рускі мароз».
У эфіры АНТ гульню знаўцаў супраць віцяблянкі і іншых тэлегледачоў можна будзе ўбачыць 30 снежня.
Пытанні Паліны Ігнацьевай-Крук як мінімум восем разоў гулялі ў беларускім «Што? Дзе? Калі?». Чатыры разы яна выйгравала, а яшчэ чатыры разы — саступала знаўцам.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў4
Каментары