Суд Савецкага раёна Гомеля прызнаў Максіма Філіповіча вінаватым у хуліганстве. Вырак — 15 сутак арышту. А прычынай стаў відэаролік, у якім Філіповіч пасварыўся з пажарным.
У суд гомельскага блогера прывезлі з СІЗА, дзе Максім Філіповіч правёў 14 сутак за разборкі ў краме. Дарэчы, па інфармацыі «Радыё Свабода», увесь тэрмін блогер трымаў галадоўку.
26 снежня Філіповіч мусіў выйсці на волю. Але замест гэтага яго даставілі на новае пасяджэнне суда, дзе пакаралі 15 суткамі арышту за лаянку ў адрас пажарнага. Пасля Філіповіча павезлі назад у СІЗА.
Нагадаем, што 28 лістапада Максім Філіповіч вёў відэатрансляцыю з пажару на гомельскім прадпрыемстве «Лінія зносу». Калі да яго падыйшоў пажарны, то пачуў у свой адрас шмат хамскіх выразаў. Пазней высветлілася, што на відэа трапіў намеснік начальніка абласнога ўпраўлення МНС Сяргей Новік.
«Было вельмі складана [стрымацца]. Я ж у першую чаргу мужык. Адпрацавалі як чэрці 14 гадзін, стаміліся, а тут яшчэ ён», — каментаваў выпадак Новік.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары