У тры разы скарацілі перыядычнасць выхаду літаратурных часопісаў. А самастойнага ЛіМа ўвогуле не будзе
З'явіўся падпісны каталог «Белпошты» на 1‑е паўгоддзе 2027 года. З яго вынікае, што беларускія дзяржаўныя літаратурныя выданні з новага года будуць выдавацца значна радзей, чым раней. А газета «Літаратура і мастацтва» ўвогуле знікне як самастойнае выданне.
Фота ілюстрацыйнае
Як вынікае з каталога «Белпошты», часопісы «Полымя», «Маладосць» і «Нёман» ў 1‑м паўгоддзі 2027 годзе выйдуць толькі два разы, у лютым і красавіку. Раней гэтыя выданні былі штомесячнымі.
А газета «Літаратура і мастацтва», як выглядае, увогуле спыняе сваю гісторыю як самастойнае выданне. У каталогу на новы год яго няма, пазначана, што «падпіска закрытая».
Магчыма, цалкам гэта выданне пакуль не знікне, але будзе выходзіць у якасці дадатку да газеты «Звязда».
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Аднак сам факт выкарыстання беларускай мовы мае значнасць на цяперашні час. Нават у "Звяздзе". Хаця б гэтая традыцыя захоўвалася, хаця б у афіцыёзе.
А калі і яна знікне, ўзнаўляць, вяртаць будзе значна цяжэй. Вельмі малаімаверна, што гэтае вяртанне адбудзецца пры сучаснай уладзе.
Таму ўвогуле паступовая тэндэнцыя вельмі дрэнная.