Аляксандр Лукашэнка накіраваў віншаванне ўдзельнікам урачыстага сходу, прысвечанага 100-годдзю з дня ўтварэння Камуністычнай партыі Беларусі. Пра гэта БЕЛТА паведамілі ў прэс-службе кіраўніка дзяржавы.
«Абвешчаныя яе стваральнікамі ідэі сацыяльнай справядлівасці, роўных правоў і магчымасцяў для ўсіх грамадзян краіны і народаў свету, адданасці Айчыне прайшлі выпрабаванні часам і войнамі, вытрымалі змену палітычнага ладу. І сёння з'яўляюцца арыенцірам у пабудове моцнай, незалежнай, талерантнай дзяржавы», - гаворыцца ў віншаванні.
Аляксандр Лукашэнка адзначыў, што Камуністычная партыя Беларусі — актыўны ўдзельнік палітычнага, грамадскага, эканамічнага і культурнага жыцця краіны.
«Перакананы, што, захоўваючы пераемнасць традыцый, адстойваючы гістарычную праўду, уважаючы гераічнае мінулае свайго народа, вы заўсёды будзеце годным прыкладам для падрастаючага пакалення, — падкрэсліў кіраўнік дзяржавы. — Дзякуй вам за вернасць ідэалам і імкненне працаваць у імя міру і працвітання нашай роднай Беларусі».
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»24
Каментары