Больш за 600 пачкаў кантрабандных цыгарэт выявілі літоўскія памежнікі ў тайніку, абсталяваным у беларускім Fiat Stilo. Беларусу пагражае буйны штраф і канфіскацыя аўтамабіля, паведамляе Abw.by са спасылкай на памежную службу Літвы.
У нядзелю ў Варанскім раёне, у вёсцы Канявеле, што на мяжы з Беларуссю, памежнікі спынілі легкавы аўтамабіль Fiat Stilo на беларускіх «нумарах».
33-гадовы беларус, які кіраваў машынай, паказаў дакументы. Паводзіны кіроўцы і пункт прызначэння здаліся памежнікам падазронымі, таму яны вырашылі праверыць машыну больш старанна — і знайшлі схованку з 655 пачкамі цыгарэт NZ Gold з беларускімі акцызнымі маркамі.
Распачата адміністрацыйная справа. Беларусу пагражае штраф у памеры ад 2000 да 5000 еўра. Справа будзе разгледжана судом.
Пасля допыту мужчыну адпусцілі, а Fiat Stilo застаўся ў памежнікаў, як і цыгарэты.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары