За распаўсюд незалежную газету «Новы Час» затрыманыя актывісты Аб’яднанай грамадзянскай партыі Зміцер Кавалгін і Кацярына Шакаль.
Актывістаў затрымалі ў будынку выканкаму Ленінскага раёна Менска, нягледзячы на тое, што газета зарэгістравана ў Міністэрстве інфармацыі.
Як паведаміў прэс‑службе БАЖ старшыня выканкаму АГП Ігар Шынкарык, затрыманне маладых людзей адбылося з ініцыятывы кіраўніка справамі выканкаму Уладзіміра Ліцецкага.
«Менавіта ён выклікаў міліцыю, але супрацоўнікі праваахоўных органаў, даведаўшыся, што газета выдаецца легальна, нават адмовіліся ехаць у выканкам», — сказаў Ігар Шынкарык.
Нагадаем, нядаўна за распаўсюд газеты «Новы Час» у Астравецкім райвыканкаме Гарадзенскай вобласці затрымалі і склалі пратакол на Івана Крука — вядомага дэмакратычнага актывіста, аднаго з арганізатараў супраціву пабудовы АЭС на Астравеччыне. Супрацоўнікі райвыканкама склалі акт «аб незаконным распаўсюдзе» газеты і прыгразілі накіраваць дакумент у Астравецкую раённую пракуратуру для праверкі дзеянняў Івана Крука.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4444
Каментары