20 снежня ў мінскую архікатэдру прыбудзе агонь з Бэтлеема — горада, у якім нарадзіўся Езус Хрыстус. У 18.25 Мітрапаліт Мінска-Магілёўскі арцыбіскуп Тадэвуш Кандрусевіч унясе агонь у святыню, пасля чаго адбудзецца ўрачыстая святая Імша. Напярэдадні агонь, запалены ад Нязгаснай лампады ў базыліцы Нараджэння Хрыста ў Бэтлееме, быў перададзены на польска-беларускай мяжы прадстаўнікам беларускіх моладзевых арганізацый у Гродне.
Бэтлеемскі агонь працягне падарожжа па Беларусі (Ліда, Валожын, Маладзечна, Бабруйск і інш.). З Віцебска агонь будзе перададзены скаўтам з Расіі.
Каментары