Экспарт венесуэльскай нафты знізіўся на фоне санкцый ЗША супраць дзяржаўнай нафтагазавай кампаніі Венесуэлы PDVSA, паведамляе The Wall Street Journal са спасылкай на крыніцы.
Па дадзеных выдання, у краіне здабываецца менш за мільён барэляў нафты ў дзень; у параўнанні са снежнем спад склаў 10%. Ураду Нікаласа Мадура ўсё цяжэй знайсці пакупнікоў нафты, продаж якой складае адзіную рэальную крыніцу даходу краіны. Замест паставак на знешнія рынкі сыравіна паступае ва ўнутраныя сховішчы, піша The Wall Street Journal.
Па інфармацыі выдання, у апошні тыдзень танкеры шэрагу кампаній прыпынілі транспарціроўку венесуэльскай нафты з-за праблем з аплатай. «Гэта абсалютная катастрофа. Не засталося амаль ніякай магчымасці транспартаваць нафту», — заявіў лідэр венесуэльскага прафсаюза нафтавікоў Луіс Эрнандэс.
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары