Дырэктар нарвежскай разведвальнай службы Мортэн Хага Лундэ паведаміў пра тое, што расійскія самалёты сімулявалі атаку на размешчаны на мяжы вайсковы радар, паведамляе Barents Observer.
Выступаючы перад вайскоўцамі ў Осла, генерал-лейтэнант Мортэн Хага Лундэ распавёў пра тое, што 14 лютага мінулага года 11 расійскіх Су-24 падняліся з аэрадрома ў Манчагорску ў Мурманскай вобласці, даляцелі да Баранцава мора і сімулявалі атаку на ваенны радар у раёне населенага пункта Варда. Пасля гэтага яны, не перасякаючы дзяржаўную мяжу, павярнулі назад.
Лундэ ўспомніў, што ў мінулым сакавіку распавядаў такую ж гісторыю пра тое, як расійскія самалёты адрэпетавалі атаку на радар 24 сакавіка 2017 года. Аднак адрозненне, па яго словах, у колькасці самалётаў. Калі ў 2017 годзе годзе ў падобных манеўрах былі задзейнічаныя, паводле яго ацэнак, дзевяць самалётаў, то гэты разам — 11.
Генерал адзначыў, што расійская рыторыка ў дачыненні да Нарвегіі стала больш жорсткай. «І няма ніякіх сігналаў аб тым, што адносіны Расіі з Захадам палепшацца сёлета», — сказаў Лундэ.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары