Украінскі бізнэсмен Ігар Каламойскі ў інтэрв'ю агенцтву УНІАН распавёў пра сваё стаўленне да кандыдата ў прэзідэнты краіны Уладзіміра Зяленскага.
Бізнэсмен распавёў, што яго тэлеканал «1+1» стаў супрацоўнічаць з прадакшн-студыяй Зяленскага «Квартал 95» у 2012 годзе.
У якасці станоўчых якасцяў Зяленскага Каламойскі вылучыў хуткасць рэакцыі, эрудыцыю і самастойнасць у прыняцці рашэнняў.
«Ён ніколі не быў заўважаны ў сквапнасці, у імкненні зарабляць грошы любой цаной, у няўменні дамаўляцца, у адсутнасці кампрамісу», — заявіў прадпрымальнік.
Пры гэтым Каламойскі адзначыў неабходнасць прыходу да ўлады ва Украіне прадстаўнікоў новага пакалення.
«Маё меркаванне — трэба ўсё ж такі саступаць дарогу маладым. Зяленскі — гэта… нейкі знак. Сімвал змены пакаленняў», — падкрэсліў ён.
Апытанка
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты38
Каментары