Па праблемных прадпрыемствах неабходна распрацаваць стратэгіі развіцця, вызначыць выразныя перспектывы. Такую задачу паставіла сёння кіраўнік адміністрацыі прэзідэнта Наталля Качанава на пасяджэнні Гомельскага гарвыканкама, паведамляе БелТА.
Таксама Качанава наведала некалькі гарадскіх аб'ектаў. Так, на заводзе вымяральных прыбораў яна раскрытыкавала працу кіраўніцтва прадпрыемства, а таксама мясцовых органаў улады і Мінпрама. Па выніках працы I квартала завод прадэманстраваў рэнтабельнасць у мінус 2%, на складах вялікія запасы гатовай прадукцыі, вытворчыя плошчы ў нездавальняючым стане. Негатыўная ацэнка была дадзена і выкананню тэхнікі бяспекі, і санітарнаму стану памяшканняў. Наталля Качанава ў цэхах, у кабінетах пагутарыла з работнікамі завода. Кіраўнік адміністрацыі прэзідэнта крытычна выказалася пра ўмовы, у якіх працуюць людзі. «Такога быць не павінна!» — падкрэсліла яна. Нараканні выклікала і тое, што на інфармацыйных стэндах размешчаны даўнія, часам ужо выцвілыя матэрыялы.
Кіраўніцтву завода акрэслены самыя кароткія тэрміны для ліквідацыі недахопаў. «Гэта безгаспадарчасць поўная. Навядзіце неадкладна парадак», — запатрабавала Наталля Качанава. Яна звярнула ўвагу кіраўніцтва на тое, што элементарная ўборка тэрыторыі, у цэхах не патрабуе вялікіх фінансавых выдаткаў, зрабіць гэта можна, напрыклад, калектыўна падчас суботніка.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях32
Каментары