На праспекце Дзяржынскага забараняюць левыя павароты і закрываюць левую паласу — усё для Еўрагульняў
З 21 да 30 чэрвеня ў Мінску пройдуць Еўрапейскія гульні. Сталічныя ўлады рыхтуюцца да іх правядзення. Вялікая колькасць зменаў датычыцца арганізацыі руху.
Спартсмены будуць жыць у Студэнцкай вёсцы каля станцыі метро «Пятроўшчына». Яны мусяць даязджаць да месцаў правядзення спаборніцтваў (напрыклад, на «Мінск-Арэну») за 20 хвілін. Каб гарантаваць ім гэта, ДАІ вырашыла выдзеліць паласу для іх транспарту.
Паколькі крайнюю правую паласу выкарыстоўвае вялікая колькасць аўтобусаў і тралейбусаў, для транспарту Еўрагульняў вырашана аддаць крайнюю левую паласу праспекта Дзяржынскага.
Яна ўжо пазначана спецыяльнай разметкай, заязджаць на крайнюю левую паласу будзе нельга.
Фактычна для аўтамабілістаў перагружанага праспекта Дзяржынскага пакідаюць толькі дзве цэнтральныя паласы.
Што ж рабіць з паваротамі налева і разваротамі? ДАІ вырашыла забараніць іх.
У прыватнасці, калі ехаць ад Малінаўкі ў бок цэнтра, нельга будзе павярнуць налева на вуліцах Голубева, Уманскай, Ясеніна, Шчорса і Хмялеўскага.
ДАІ прапануе кіроўцам паварочваць направа, а пасля дзе-небудзь разварочвацца. На дарозе расстаўленыя інфармацыйныя шчыты з адпаведнай інфармацыяй.
Апроч таго, будзе забаронены правы паварот з Нямігі на праспект Пераможцаў. Кіроўцам прапануюць ехаць па вуліцы Ціміразева.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары