Наш фатограф выбраў сонечнае надвор'е
СПК "Навасёлкі-Лучай" - славутае турыстычнае месца на Пастаўшчыне. Тут гадуюцца экзатычныя для нашай краіны страўсы. Беларуская экзотыка - у фотанарысе Андрэя Лянкевіча.
Летась сваімі вандроўнымі ўражаньнямі з Пастаўшчыны дзялілася Вераніка Дзядок, у тым ліку пра страўсаў:
Cтраўсы шалёна баяцца фотаўспышак. Затое яны стойка пераносяць холад, таму нават пры тэмпэратуры 0 градусаў гуляюць на адкрытым паветры.
Страўсы пераўзышлі мае ўяўленьні пра вялікіх птушак. Памерамі яны нагадваюць каня. Страўсінае яйка каштуе 43 тыс. рублёў, але, кажуць, яечня зь яго эквівалентная 16 яечням з курыных яек! Са шкарлупіны робяць самыя разнастайныя сувэніры, напрыклад лятарні. Самае ж дзіўнае на фэрме - гэта турысты, якія лезуць да птушак цераз агароджу, дражняць іх і выдзіраюць пёры.
Страўсіная фэрма Навасёлкі-Лучай на Пастаўшчыне - самае знакамітае месца ў Беларусі, дзе разводзяць страўсаў. Тут таксама гадуюць сьвіней і трусоў, а яшчэ вырабляюць экалягічна чысты сыр, каўбаскі, хлеб ды піва.
Фота Андрэя Лянкевіча
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3519
Каментары