Мінгарвыканкам мяркуе, што помнік Быкаву павінен стаяць там, дзе будзе вуліца Быкава. А генерал Чаргінец бачыць помнік Быкаву на плошчы Змітрака Бядулі, каля кінатэатра «Мір».
Ні першы, ні другі варыянт не падаюцца мне адпаведнымі.
Хто такі Быкаў і што такое Быкаў для Беларусі?
Быкаў — гэта сімвал. Сімвал беларуса на вайне, сціплага беларуса-пераможцы, і аднасова сімвал простага афіцэра, не маршала, лейтэнанціка, — які прайшоў усю вайну, быў за валасок ад смерці, якога палічылі забітым, адправілі сям'і пахаронку, а ён застаўся жывы.
І Быкаў таксама — гэта сімвал беларускасці. Гэта чалавек, які змагаўся не толькі супраць нацызму, але і за незалежнасць. І таксама перамог.
Быкаў — гэта постаць, якая аб'ядноўвае і магла б яшчэ мацней аб'яднаць. Я ніколі ні чуў ні ад каго адэкватнага слова супраць Быкава.
У гэтай быкаўскай сціпласці і ціхай зацятасці — і нацыянальны характар, і нацыянальны сакрэт.
Колас стаіць на цэнтральнай плошчы, на галоўным праспекце. Купала стаіць у цэнтральным парку, на галоўным праспекце.
Месца для помніка Быкаву — плошча Перамогі, між Купалам і Коласам і нароўні з імі. Архітэктары, скульптары хай скажуць сваё слова, у якім месцы плошчы ён мае стаяць і якім ён павінен быць. Я б яго бачыў не манументальным, але і не дробным, недзе ў скверы — але вызначаць гэта мусяць прафесіяналы. Можа быць, там, дзе Яўген Коктыш зрабіў сваё класічнае фота. Але адназначна на той плошчы, якая прысвечана Перамозе.
Чытайце таксама: Як Быкаў стаў Быкавым: што зрабіла яго такім, якім ён быў — біяграфія
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары