У курортным пасёлку Затока Адэскай вобласці цягнік насмерць збіў 24-гадовага грамадзяніна Беларусі, паведамляюць «Факты».
Інфармацыя пра здарэнне ў Затоцы паступіла ў паліцыю ад медыкаў у аўторак, 23 ліпеня. Па іх словах, пад коламі грузавога цягніка апынуўся невядомы мужчына.
«Мужчына сядзеў на рэйках і не рэагаваў на сігналы падвышанай гучнасці цягніка. Грузавы састаў рухаўся з хуткасцю 70 км/гадзіну, але, на жаль, нават з прымяненнем экстранага тармажэння прадухіліць наезд не ўдалося. Мужчына атрымаў траўмы, несумяшчальныя з жыццём», — заявілі ў ведамстве.
На месцы здарэння следча-аператыўная група высветліла асобу загінуўшага. Ім аказаўся 24-гадовы беларус, які прыехаў у курортны пасёлак на адпачынак.
Зараз высвятляюцца акалічнасці гібелі маладога чалавека, распачата расследаванне.
Хто тая беларуска, якую экстрадавалі ў ЗША для суда за кантрабанду дэталяў для самалётаў8
Каментары