Экскурсія «Зачараванне Нарачанскага краю» правядзе Вас у найпрыгажэйшы рэгіён Беларусі — ваколіцы возера Нарач і Блакітных азёраў, сапраўдны дыямент нашага краю.
Акрамя прыродных цудаў, вы атрымаеце магчымасць пазнаёміцца з мясцовымі помнікамі гісторыі і архітэктуры: храмамі, сядзібамі, 300-гадовым кляштарам, гарой Стэфана Баторыя.
Пасярод лесу ў маляўнічым кутку між трох азёр — Мястра, Нарач і Белае — размясціўся ўнікальны ландшафтны аб'ект: Аптэкарскі сад. Тут можна адпачыць і целам, і душой. У Аптэкарскім садзе ў выглядзе тэматычных кветнікаў, раслінных арт-аб'ектаў прадстаўлена больш за 200 відаў раслін.
Адным з найпрыгажэйшых месцаў Нарачанскага краю з'яўляецца вёска Засвір. Тут, у ціхім кутку, тры стагоддзі таму айцы кармеліты заснавалі старажытны касцёл і кляштар. Да храмавага будынка прымыкае парк, у якім захаваліся 300-гадовыя дубы. Побач — старая сядзіба і магіла нямецкіх салдатаў Першай Сусветнай вайны.
Недалёка ад Засвіры не менш цікавае мястэчка, Свір, з гарой Стэфана Баторыя, з якой адкрываецца панарама на аднайменнае возера - самае доўгае ў Беларусі. Менавіта тут планаваўся легендарны паход слаўнага караля Стэфана на Полацк у 1579 годзе.
У Шэметаве можна пабачыць касцёл з унікальнымі вітражамі, а таксама манументальныя пабудовы - фрагменты старадаўняй сядзібы Скірмунтаў.
І на завяршэнне экскурсійнага маршруту ўдзельнікаў чакае шпацыр па экалагічнай сцежцы Блакітных азёр, дзівоснага кутка беларускай прыроды. Можна будзе пабачыць некалькі ўнікальных азёр рэгіёна, падняцца на назіральную вежу і палюбавацца мясцовым ландшафтам.
На беразе азёр Глубля або Глубелька, дзе ёсць стаянкі, будзе магчымасць зладзіць невялікі пікнік.
Даведацца падрабязнасці і запісацца ў вандроўку па найпрыгажэйшых мясцінах Беларусі можна па тэлефонах:
(17) 203-69-70
(17) 226-03-02
(29) 682-58-07
(29) 772-77-58
Болей інфармацыі — на сайце www.zamak.by.
Фонд «Краіна замкаў». УНП 690382807
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары